შეხვედრა „ExpoDireito Brasil“-ის პრეზიდენტთან

ბრაზილიის ფედერაციულ რესპუბლიკაში საქართველოს საგანგებო და სრულუფლებიანმა ელჩმა, ზურაბ მჭედლიშვილმა შეხვედრა გამართა „ExpoDireito Brasil“-ის პრეზიდენტ, ლუის გუსტავო მულიასთან.

შეხვედრაზე საქართველოს ელჩმა ბრაზილიურ მხარეს გააცნო საქართველოს თანამედროვე სახელმწიფო სერვისების, იუსტიციის სახლის წარმატებული მოდელის, ციფრული მმართველობისა და ტექნოლოგიური განვითარების მიმართულებით ბოლო წლებში მიღწეული შედეგები.

მხარეებმა გამოხატეს მზადყოფნა გამოცდილების გაზიარებისა და სამომავლო თანამშრომლობის გაღრმავების მიზნით მაღალი დონის ვიზიტებისა და სამუშაო შეხვედრების გამართვის მიმართულებით. 

ასევე, განხილულ იქნა ქართული მხარის მონაწილეობის შესაძლებლობა „ExpoDireito Brasil“- ში.