შეხვედრა დეპუტატთა პალატის პრეზიდენტის საგარეო ურთიერთობათა სამსახურის უფროსთან

საქართველოს ელჩმა, ზურაბ მჭედლიშვილმა შეხვედრა გამართა ბრაზილიის დეპუტატთა პალატის პრეზიდენტის საგარეო ურთიერთობათა სამსახურის უფროსთან, ნილო დითცთან.

შეხვედრისას ხაზი გაესვა ორ ქვეყანას შორის თანამშრომლობის გაღრმავების კუთხით საპარლამენტო დიპლომატიის მნიშვნელობას. დადებითად შეფასდა საქართველოსა და ბრაზილიას შორის ურთიერთობების განვითარების დინამიკა. მხარეები შეთანხმდნენ შემეცნებითი ხასიათის პროექტის განხორციელებაზე, რაც კიდევ უფრო გაზრდის საქართველოს ცნობადობას.

მხარეებმა გამოხატეს მზაობა ახალ საფეხურზე იქნას გადაყვანილი ქვეყნებს შორის არსებული საპარლამენტთაშორისო თანამშრომლობა.